Íslenska áróðursmaskínan að störfum!

Ísland “BEST Í HEIMI”.Er rétt að miða allt verðlag í heiminum út frá íslenskri krónu? Það virðist vera einhver harðdugleg áróðusmaskína sem sífellt reynir að telja íslendinum trú um að allt í útlandinu sé verra en það sem landinn verður að sætta sig við á eyjunni góðu.  Sem íslendingur í danmörku þá hef ég t.d. marg oft fengið að heyra að benzín í danmörku sé miklu dýrara en benzín á íslandi.  Þetta á ég mjög erfitt með að skilja.  Benzínlíterinn er verðlagður hérna í kringum 11 dkr. Verðið er reyndar mismunandi eftir benzínstöðvum og breytist verðið nokkrum sinnum á dag, í vikunni sá ég t.d. lítraverðið frá 10,4 dkr og upp í 11,2 dkr.   En þar sem íslendingar búa við fallandi verðgildi krónunnar þá reikna þeir sífellt verð á vörum og þjónustu í útlandinu samkvæmt því. En ég sem fæ mín laun í dönskum krónum og kaupi mínar vörur í dönskum krónum verð ekki var við þessar gífurlegu verðsveiflur sem talað er um í íslenskum fjölmiðlum.Nýjasta dæmið er frétt í mbl um mjólkurverð.  Óvíða í Vestur-Evrópu er nýmjólk jafnódýr og á Íslandi. Í Danmörku kostar nýmjólk um 150 kr. lítrinn og í Noregi kostar hann nálægt 200 kr. Hér á landi er mjólkurlítrinn seldur á um 90 kr.Ég kaupi mína mjólk í nettó 4,75 dkr. Líterinn og það sinnum 10 (gengi ísl krónunnar fyrir 3 árum), gefur okkur 47,50 íslenskar krónur líterinn.  Ég fer síðan reglulega yfir landamærin til þýskalands og kaup minn ost þar á 1/3 af því sem íslenskur ostur kostar.  Í leiðinni kaupi ég rauðvín og bjór.  Sem dæmi um verð á bjór þá fær maður 3 kassa á 120 dkr.  Ef við reiknum það með 10 þá eru 3 kassar af bjór á svipuðu verði og ein kippa af bjór á íslandi.Baldur Helgi Benjamínsson, framkvæmdastjóri Landssambands kúabænda, segir að verð á mjólk hafi lengi verið í lægri kantinum hér á landi í samanburði við nágrannalöndin. Eftir að gengi krónunnar féll í vor hafi verðmunur á mjólk hér á landi og í nágrannalöndunum aukist enn. Mjólkurverð núna sé t.d. tvöfalt hærra í Noregi en hér.Það getur velverið að ég sé ekki sá gáfaðasti í heimi (reyndar nokkuð líklegt) en svona útreikningar eru gjörsamlega út í höttSem íbúi í danmörku þá fynnum við ekki fyrir þessum gífurlegu verðhækkunum sem reynt er að telja íslendingum trú um að dynji yfir okkur útlendingana.  Auðvitað hefur verð á matvöru hækkað hérna í danmörkunni, líkt og matvælaverð hefur hækkað um allan heim.  En ef áróðursmaskínan vill halda þessum óréttláta samanburði áfram þá væri líka allt í lagi að nefna að samkvæmt íslensku gengi þá hafa meðallaun í t.d. danmörku hækkað um ca 100.000 ísl krónur á mánuði, eftir að gengi ísl. Krónunnar féll. En þetta er eitthvað sem fók utan íslands verður ekkert vart við, ótrúlegt en satt! Það er hinsvegar orðið freistandi að ferðast til íslands fyrir okkur “útlendingana”.  Maður fær mikið fyrir sínar dönsku krónur á íslandi!     

Er ódýrasta mjólkin á Íslandi?

Athugasemdir

[Snowman, 2.8.2008 kl. 12:26]

Sæll Jóhann.  Ég get ekki verið meira sammála þér.  Þetta er propaganda af verstu gerð.  Ég bý sjálfur á Fjóni og veit að hlutirnir kosta nokkurn veginn það sama núna og í janúar sl. og þá kostaði mjólkurlítrinn það sama hér og nú.  En vegna slæmrar stöðu krónunnar hefur mjólkin "okkar" hækkað rosalega mikið.  Þetta er einföld leið í að blekkja fólk og láta það halda að Ísland sé best í heimi.  Ef rétt væri hefði t.d. bíllinn minn hérna hækkað í verði um 25.000 danskar.  Ætti kannski að selja hann á þessu nýja og hærra verði ?  Græða svolítið hehe.

[Rúnar Ingi Guðjónsson, 2.8.2008 kl. 12:43]

já félagi minn keypti sér 10 ára gamlan Audi sl.sumar á 170.000 dkr

í dag getur hann selt hann á 165.000 dkr

hann er að flytja á skerið aftur núna fljótlega og getur selt bílinn á 2.7 millljónir ískr

en keypti hann á genginu 10.5 semsagt 1.8 milljónir.

Er bílverðið í Danmörku að hækka svona svakalega, er allt að fara til helv. í Danaveldi?

Eða er íslenska krónuræfillinn að verða svo lasburða að hún er á leið á líknardeild í haust, og er henni varla hugað líf.